今次3.11補選九西有爆冷賽果，新東亦一地眼鏡碎，唔係估唔到建制派敗陣，因為民主派同建制得票強弱太懸殊，反而係冇乜人估到，屢敗屢戰嘅西貢區議員方國珊，得票竟然翻一翻，有多達一成幾選民支持佢，無政黨撐場孤軍作戰，結果算係好理想，難怪佢自己都似乎幾滿意，自稱參加過5次選舉，25個月內更3度參與，笑稱可以納入「健力士世界紀錄」。

但呢位選戰女鐵人，都有累了的時候，噚晚喺會展等緊點票期間，都不時除眼鏡擦眼，知道選舉結果後一度落淚，但佢真係韌力驚人，其後又重拾心情，精神奕奕見傳媒做分析，唔知呢位選戰女鐵人，幾時會停戰休息抖一抖？