當年今日
關於我們

【棟析先機】三匹馬都塞車坐包廂!蘭尼贏輸同樣精彩(陳華棟)

蘋果日報 2019/09/26 23:05

蘭尼陳華棟棟析先機

10日前,外號「金童子」嘅澳洲名將蘭尼離世,後生嗰陣好靚仔,做過騎師、練馬師又做過司閘員同受薪董事,事業就一帆風順,橫跨幾代嘅馬圈名宿、馬圈中人都對佢十分懷念。
至於我阿棟仲有啲佢嘅軼事可以同大家分享一下。蘭尼騎功就厲害嘅,但當年都仲有練馬師係有舊一套諗法,例如吳志林就一直認為跑馬係跑馬而唔係跑人,佢就將隻「雪山」一直贏唔到,結果都要屈服用蘭尼,佢一坐上去就唔同晒,一贏就係15個馬位!
蘭尼嘅騎功好但戰意方面卻難測,好似有一場賽事嘅表現簡直係「出神入化」,事關該場馬只得三匹馬角逐,佢就騎隻大熱門「精趣」,以為可以輕勝啦,點知佢都有本事跑到坐正包廂,而嗰場頭馬就係同鄉白禮棣騎嘅「游奕」,至於佢點解跑成咁?自己幻想一下啦!我就認為係輸馬嘅經典教材啦!
佢老哥後期去咗澳門從練,試過有次朋友嘅馬跑第六場賽事,響沙圈嗰陣,佢手執馬簿如數家珍,但我望過去,佢就揭咗去第七場,我提佢,佢講咗句I'm sorry,我就懷疑佢係讀劇本,不過嗰陣都六十幾歲人,或者都情有可原嘅。
-------------------------------
參加《玄機解馬》節目,可免費畀美女堪輿學家唐碧霞睇八字、睇相指點迷津,快啲入嚟報名。
https://forms.gle/dN9hfSiFxc7T8E436
-------------------------------
馬匹賽績、騎練數據、名家貼士
【最強贏錢武器 盡在蘋果馬網】
https://hk.adai.ly/e/5nFdCiYq8Y
-----------------------------
【撐學生】
召集有心人 撐學生全年睇《蘋果》
立即按此
-----------------------------
《囚牢之疆》 專頁
揭開集中營邪惡面紗
今日新疆 明日香港