第十二屆亞洲電影大獎頒獎禮今晚喺澳門威尼斯人度假村酒店舉行。最佳男女配角分別由韓國男演員梁益準憑日本電影《啊，荒野》及大陸女演員張雨綺憑《妖貓傳》奪得。

事後兩位分別喺後台接受訪問，梁益準話自己今次以韓國演員身份參演日本電影，今次電影角色講述一名喺日本生活嘅韓國人，探討一啲社會議題，佢自己就覺得非常有趣，戲中更有打拳嘅戲份，佢為咗呢一場戲更減磅十公斤，不過佢就笑言拍完戲已經肥番晒。

張雨綺就話自己從未試過拍一部戲要花兩三個鐘化妝，佢仲多謝導演今次啟發咗佢，搵佢係因為覺得佢把聲好適合，今次以唐朝作為電影背景，佢就話多謝導演俾佢喺唐朝活一次，覺得好過癮。

精選娛聞，喺晒《娛果》
http://fb.com/appledailyent