寶刀未老呢四個字，完全可以應用喺年屆85歲高齡嘅大紫荊勳賢、震雄集團主席蔣震身上，因為佢喺新年期間，同埋太太及幾個囡囡，唔怕跋涉搭十幾廿個鐘頭飛機去巴西里約熱內盧，參加當地嘅森巴舞節。
蔣家小姐麗莉惹官非，一家人去到巴西，一於暫時拋低唔開心嘅事，一齊大跳忘情森巴舞。家姐蔣麗芸話，老竇一直認為巴西係人生中「must去」嘅地方，但過去一直冇機會，近年知道有呢個森巴舞節，成日心郁郁想去玩吓，今年終於成行，佢話抵達巴西第一件事，就係用咗個幾鐘學跳舞，蔣家上下幾有慧根，人人都跳得有板有眼，老父蔣震應該係全場最老嘅舞蹈員，十分犀利。