當年今日
關於我們

李八方online︱胡志偉還柙收信感動:會好好鍛煉身體抗逆境

蘋果日報 2021/02/03 19:24

胡志偉BNO護照保釋

民主黨前主席胡志偉早前因為冇呈交BNO護照,被指違反保釋條件遭取消保釋,要還押至本月8日再上庭應訊後,一班佢服務多年嘅黃大仙瓊富選區街坊,早前特別去信關心佢。志偉收到街坊信件後,上月28日即回信,話對於街坊送上嘅祝福感到「由心的感動」。

港人的加油 讓他無悔今生

志偉喺佢Facebook專頁上載嘅呢封回信中,話瓊富一直係佢情緒低落時嘅充電站,過去幫佢渡過唔少政治同工作壓力,佢同好多瓊富街坊,唔經唔覺已經識咗25年以上,「你們看著我落區為大家工作,看著我成家立室,看著我肩負重大的政治擔子。儘管我每一個決定和工作未必盡如人意,但總是由初心出發,為市民的自由,為高度自治,為履行責任為民發聲」。
志偉又話,香港人嘅一聲加油、一句保重、一個簽名,都代表住大家對佢嘅信任同支持,令佢無悔今生,「大家放心,我會好好的鍛煉身體,保持心境,面對逆境,更積極的裝備自己」。佢又話,非常幸運有莫嘉嫻接任我喺區議會嘅工作,令到佢雖然再沒有任何公職,但聯繫長存,並喺信末寄語:「香港人加油,瓊富人加油!」
empty
empty
胡志偉喺回信中表示,瓊富一直係佢情緒低落時嘅充電站,過去幫佢渡過唔少政治同工作壓力。胡志偉Facebook專頁圖片
想寫信為志偉送上鼓勵和祝福嘅朋友,可以將信件交到民主黨九龍東各區議員辦事處,又或者將信件寄到黃大仙雙鳳街16號1樓鄧惠強區議員辦事處,民主黨會確保信件符合懲教署要求後,轉寄畀志偉。
-----------------------------
《蘋果》英文版免費試睇:了解更多
英文版已登錄《蘋果》App,立即下載/ 更新iOS / Android
-----------------------------
支持蘋果深度報道,深入社區,踢爆權貴,即Like蘋果專題及調查組FB專頁