【本報訊】對於有教友擔心中梵關係會因本港教會反對政改方案受影響，天主教香港教區主教陳日君昨首次作出保證，表示已掌握確實證據，中梵關係不會因此受影響，中央更因教會「企硬」而更願意與教廷討論建交問題。主教稱，若他是雙方建交障礙，他願意隨時卸下主教職務。
陳日君昨晚出席教會活動，與教友談政改方案。對教友憂慮教會立場會影響中梵建交，他直言最初亦擔心會破壞中國與梵蒂岡成功談判機會，「後來我有確實嘅證據證明唔係，好多（國內）地上嘅主教都好開心聽到我講話。」他又指，中央是因為教會「企硬」而更願意與教廷討論建交的問題，又暗示雙方關係大有改善。

北京向教廷篤背脊

陳日君又笑言，若其立場不被接受，他願意退下火線。他說：「如果真係陳日君唔能夠被接受，咁咪退休囉，早一年重好，早一年歎世界，我絕對唔會介意。」席間他提及，中央曾派人往梵蒂岡「篤背脊」，但教廷對批評不以為然，「佢哋話：『你哋香港嘅主教唔係咁友善喎！』（教廷回應）陳主教？響香港㗎嘛，你咪去同佢講囉！』」他解釋，內地教會過去一直得不到教廷照顧，「大陸嘅主教好希望聖座（即教廷）同北京建交，爭取一定程度嘅宗教自由。」他指教廷過往從未主動提出與任何國家或地區斷交，相信即使教廷與台灣斷交，亦不會因此影響台灣的宗教自由。