韓國人氣男團Wanna One前日飛咗去台灣，噚晚同今晚喺林口體育館舉行演唱會，適逢噚日係成員邕聖祐23歲生日，現場9千名台迷想同Oppa慶祝生日，但邕聖祐就唔想焦點落在自己身上，所以就婉拒咗粉絲嘅生日應援，不過邕聖祐獻唱《Wanna Be》時戴住生日帽同眼鏡出場，接受全場祝福，演唱到《Twilight》時姜丹尼爾、金在奐等人還爭住送花畀他，最後9千名粉絲一起唱生日歌為佢賀壽，令邕聖祐開心話：「好開心咁幸福嘅日子可以同幸福嘅人一起度過！」

噚晚演唱會上Wanna One帶來多首抒情歌曲，包含《PRODUCE 101》代表歌曲之一《Always》，李大輝邀全場粉絲大合唱，隊長尹智聖讚嘆：「我剛剛還以為有人拿咪到3樓畀大家唱呢！」朴佑鎮即扮喘氣話：「我真係冇想到今天咁攰，我係唔係好犀利。」

由於噚日係邕聖祐生日，所以成員談話期間就上演生日趣劇，各成員得演出「為生日嘅Wannable(Wanna One粉絲稱號)獻上祝福」戲碼，姜丹尼爾指住其中一位粉絲就大喊：「今天你生日嗎？今天亦都係我生日！」同粉絲爭同邕聖祐慶祝生日，引起全場爆笑。

各成員準備咗唔同中文同粉絲講，不過黃旼炫就講到口窒窒，台灣成員賴冠霖即忍不住問粉絲：「你們真的聽得懂他們在說什麼嗎？」最後賴冠霖用中文撩粉絲話：「我的愛送給你」，成員都羨慕不已：「發音真好！」

精選韓流，喺晒《娛果》
http://fb.com/appledailyent