陳山聰跟賭王千金何超雲戀情告吹之後，失女、失錢、失事業，連形象都失掉了，慘被譏笑為「四失聰」，陳山聰用了兩年時間，重新振作，跪求返無綫拍劇，又極速減肥，經常跑步健身網上晒腹肌相，最近有報道指陳山聰再重振雄風，成功媾女，在朋友活動上認識了一位貌似前度何超雲的索女，還在社交網上載跟索女的蜜照。

「感情等上天安排」

陳山聰昨日接受本報電話訪問時，被問到是否蜜運中，他笑說：「個女仔靚唔靚？唔似我咩？好多謝大家關心，佢係我哥個女，佢唔喺香港住，喺外國留學，所以唔係成日見，我哋成家都笑緊，阿嫂仲問要唔要貼番張大合照，娛樂新聞，唔緊要，大家開心。」姪女被誤會是女友，山聰被問到現在感情生活，他說：「冇呀！做嘢都好忙，不停拍劇，同埋跑步，感情都係等上天安排。」
修心養性陳山聰，除了專心拍劇，還醉心跑步，現在他積極備戰本月的渣打馬拉松，他說：「真係會上癮，𠵱家都隔日去跑，嚟緊會參加渣馬，跑全馬，希望可以比上年成績更好。」陳山聰得以振作，還要得到一班朋友的支持，他表示公餘時間，跟郭政鴻開辦「獅兄弟同學會」跟一班志同道合玩醒獅的朋友聚會搞活動。
採訪：非非