【短片】【俾黃翠如掉晒啲舊物？】何傲芝冇hardfeeling：你問返當事人
蘋果日報 2015/08/05 06:00
蘋果黃翠如蕭正楠何傲芝即時十月初五的月光
- 黃翠如入咗大台之後，是非真係多咗好多。(資料圖片)
- 陳喬恩(攝影:陳順禎)
- 何傲芝就唔回應有關舊愛蕭正楠所有新聞。
- 被問到「馬主」事，佢就好大反應。
- 又直認o依家有個鍾意嘅人，但唔係拍拖。
今晚電影《十月初五的月光》於利園一間酒家舉行煞科宴，筵開20圍，主角佘詩曼、張智霖、薛家燕、陳喬恩、唐文龍、莊思敏、陸駿光、何傲芝及梁芷晴等出席。
講到今日有周刊報道，何傲芝前男友蕭正楠o依家同黃翠如熱戀中，黃翠如仲迫男友同居，更變身「野蠻女友」，要丟晒屋內以前蕭正楠同何傲芝買嘅所有嘢，好似啲杯杯碟碟之類，何傲芝今日就話:「呢啲嘢過咗去，有冇掉你問返當事人，我唔知，佢哋嘅嘢唔好再講，我o依家都有新生活，唔好成日將我哋放埋一齊講。」
問報道話掉晒佢啲嘢，有冇HardFeeling?何傲芝話:「冇，其實我隔幾年都會清一清。」記者即追問都會清走同蕭正楠嘅舊物?何傲芝繼續封口:「我唔講呢啲啦。」係咪唔留舊愛嘅嘢?佢話:「總之過咗去啦。」
問到感情生活，何傲芝直認有一個「自己鐘意嘅人。」追問係咪被人影到同車嘅藝員張明偉?佢話:「唔係，朋友嚟啫。」難道係馬主?何傲芝反應頗大:「點解成日都話係馬主?我喺馬圈10年，如果要搵一早都有。」佢話呢位鍾意嘅男仔係圈外人，只係了解中，未算係拍拖，俾多啲機會大家相處，經朋友介紹認識，只係對對方有好感。
問到呢個男仔接唔接受同藝人拍拖?何傲芝話:「我又唔係偶像派，我嘅生活同常人唔係差好遠，o依家學做生意。」諗住鋪路上岸?佢話:「唔係，只係藝人壽命未必咁長。」
到Chilam訪問，佢話拍完呢套戲幾個禮拜，初步睇咗啲片係一部催淚戲，對票房都幾有信心，問到幾時上映?佢話:「11月11號光棍節，咁啱嗰日係農曆十月初五，聽聞光棍節會好好票房，因為好多人睇戲。」講到佢表姐上山詩鈉囡囡Hilary會入行，Chilam話:「係呀，愈大愈靚，不過要讀好書先，今個月佢去美國讀書，讀完書乜都得。」覺得佢有冇潛質?Chilam笑言:「佢好靚，演技就唔知啦。」
講到今日有周刊報道，何傲芝前男友蕭正楠o依家同黃翠如熱戀中，黃翠如仲迫男友同居，更變身「野蠻女友」，要丟晒屋內以前蕭正楠同何傲芝買嘅所有嘢，好似啲杯杯碟碟之類，何傲芝今日就話:「呢啲嘢過咗去，有冇掉你問返當事人，我唔知，佢哋嘅嘢唔好再講，我o依家都有新生活，唔好成日將我哋放埋一齊講。」
問報道話掉晒佢啲嘢，有冇HardFeeling?何傲芝話:「冇，其實我隔幾年都會清一清。」記者即追問都會清走同蕭正楠嘅舊物?何傲芝繼續封口:「我唔講呢啲啦。」係咪唔留舊愛嘅嘢?佢話:「總之過咗去啦。」
問到感情生活，何傲芝直認有一個「自己鐘意嘅人。」追問係咪被人影到同車嘅藝員張明偉?佢話:「唔係，朋友嚟啫。」難道係馬主?何傲芝反應頗大:「點解成日都話係馬主?我喺馬圈10年，如果要搵一早都有。」佢話呢位鍾意嘅男仔係圈外人，只係了解中，未算係拍拖，俾多啲機會大家相處，經朋友介紹認識，只係對對方有好感。
問到呢個男仔接唔接受同藝人拍拖?何傲芝話:「我又唔係偶像派，我嘅生活同常人唔係差好遠，o依家學做生意。」諗住鋪路上岸?佢話:「唔係，只係藝人壽命未必咁長。」
到Chilam訪問，佢話拍完呢套戲幾個禮拜，初步睇咗啲片係一部催淚戲，對票房都幾有信心，問到幾時上映?佢話:「11月11號光棍節，咁啱嗰日係農曆十月初五，聽聞光棍節會好好票房，因為好多人睇戲。」講到佢表姐上山詩鈉囡囡Hilary會入行，Chilam話:「係呀，愈大愈靚，不過要讀好書先，今個月佢去美國讀書，讀完書乜都得。」覺得佢有冇潛質?Chilam笑言:「佢好靚，演技就唔知啦。」