第70屆康城影展進行得如火如荼，但日前發生疑似炸彈驚魂，噚晚(香港時間)出席Qeelin珠寶活動嘅吳千語，接受訪問時，就話唔知有炸彈事件。好彩炸彈事件只係虛驚一場，而影展活動亦如常舉行。 http://bit.ly/2rIuTvc )

噚晚千語BB同泰國華裔女星王惠敏 Ase Wang，一齊行紅地氈。着上黑色one piece裙，再配戴簡約珠寶嘅千語BB，入場觀賞由Dustin Hoffman、 Ben Stiller、 Emma Thompson、 Adam Sandler等主演嘅最新電影 "The Meyerowitz Stories"。

同一眾巨星主角進場睇電影後，千語BB再盛裝出席Women in Motion晚宴，當晚共200位嚟自世界各地嘅貴賓同國際影星出席。

千語BB回覆《蘋果》講佢行紅地氈嘅感受：「今次第一次嚟康城，應珠寶品牌邀請行紅地氈，見到來自世界各地演員，有法國影后，今次感覺十分好，天氣好好，好舒服好relax。行紅地毯前少少緊張，因為我條裙好貼同好緊，擺尾好長，行時要好小心。雖着過同類晚裝，但嗰日好多人同好多記者，我狀態有少少時差，行完似發咗場夢。今次成個trip好開心，希望下次帶住自己作品，同劇組一齊行就完美啦！」