姚樂怡上年冬至為老公吳俊匡（Alan）生咗愛女「小雞髀（乳名）」Gaibe，產後專心照顧B女，不時喺微博大晒親子樂，絕對係一手一腳去湊囡囡，有囡囡就萬事足，閒時都係同Gaibe去街街，同埋定期帶Gaibe去打針。

佢今日又喺微博晒囡囡沖涼相，留言：「小雞髀，就嚟變大雞髀了，肥妹仔最喜歡玩水，聞到沐浴味就識笑。」相中見囡囡Gaibe真係好叻叻，一啲都唔怕水，仲笑得好甜，夠晒可愛豬，難怪連契媽佘詩曼都忍唔住回覆：「小雞髀快啲嚟錫啖契媽先!」確係人見人愛呀!