黎智英還柙｜《蘋果》副社長陳沛敏探望「一啲都唔憔悴，仲精神過我」
蘋果日報 2020/12/10 20:30
【20:30】對於黎智英仍未取得兒子黎耀恩帶的4本書，懲教署表示不會就個別個案作出評論，指所有交入的書刊，必須通過嚴格保安檢查，然後才被分派予在囚人士。
【16:00】黎智英的女兒帶了幾件衣物到收押所，讓黎智英稍後就保釋問題上訴需要出庭時穿着，並將衣物交給律師帶進收押所，她因探訪限額問題，未有進入收押所便離開。
--------------------------------
壹傳媒創辦人黎智英被指涉嫌觸犯串謀欺詐罪，法官拒絕其保釋，還柙至明年4月再提訊，被外界形容是「未審先判」，市民及讀者近日紛紛留言或來信支持黎智英及祝福他生日快樂。今日是黎被關進荔枝角收押所第8天，《蘋果日報》副社長陳沛敏及香港《壹週刊》前社長楊懷康，今早9時半先後抵達荔枝角收押所，探望前日剛過完生日的黎智英。
陳沛敏探望完黎智英後表示，下午會有律師到收押所與黎智英會晤，料商討保釋問題，指黎智英「話希望可以出到嚟，交畀律師處理」。
陳沛敏形容黎智英很精神，「佢精神好好啦，佢叫啲同事唔好擔心佢，繼續做返我哋做嘅嘢，做好啲新聞」，又指還柙在獨立囚室的黎智英「一啲都唔憔悴，仲精神過我」，並轉述黎智英說「覺得好多同事、朋友、市民都支持佢，佢都好安慰」。
不過，陳沛敏透露，黎智英次子黎耀恩帶給黎智英的四本書，至今仍未交到黎智英手上，「報紙就睇到，但係今日報紙要下晝先睇到」。她又笑謂黎智英埋怨收押所的飯菜不太理想，「飯凍啲、啲菜都黃啲，但都習慣咗喇」。陳沛敏稱，日前探望黎智英的天主教香港教區退休主教陳日君，曾進入囚室與黎智英做彌撒，毋須隔着玻璃。並轉述黎智英對在囚一事視為「神畀個十字架你，你都會欣然接受」。
楊懷康表示探望黎智英時，大家未有談及上訴事宜，形容黎智英精神狀況「冇乜特別，樣樣都好好，個人都好精神」。
《蘋果日報》副社長陳沛敏今早到收押所探望黎智英。
香港《壹週刊》前社長楊懷康今早探望黎智英。
陳沛敏透露，黎智英次子黎耀恩帶給黎智英的四本書，至今仍未交到黎智英手上。
律師到荔枝角收押所。
-----------------------------
你敢爆，我敢獎！ 立即WhatsApp 《蘋果》24小時爆相爆片熱線 或致電：63836568
-----------------------------
《蘋果》英文版免費試睇：了解更多
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！