俄國靚仔Artem Ansheles今日喺銅鑼灣出席電影活動，打扮成忍者同小朋友砌積木，佢話由細到大都鍾意砌積木，而爸爸係建築師，所以成日學爸爸砌屋：「我唔鍾意跟住盒玩具既說明書砌，鍾意跟自己幻想創作，但係砌親啲屋都跌，爸爸就笑我唔好做建築師。」

講到早排佢教陳奕迅詳講俄文，但佢就謙稱唔叻唔會開班做老師：「嗰日見到Eason好開心，佢好好人，但我唔係咁叻，唔會開班教語言。」稍後，佢會去日本做嘢，佢仲話未來希望可以再參與拍攝，兼且想拍戲或拍劇。