【本報訊】4.1當日示威者在中聯辦外推鐵馬時，杜Sir站第二排，正想觀察警方如何應對，豈料雙眼突感灼熱，他不幸「中椒」（圖）。混亂中他對着電視台鏡頭怒吼：「如果我唔企出嚟捍衞法治，我唔配做通識老師！」這一役，他以身教為學生上了一堂通識課。他認為今次衝擊「唔係暴力，而係角力」，抗議警察濫權。

推鐵馬是角力　抗議濫權

訪問片段在網上瘋傳，網民讚杜Sir「有腰骨」，學生驚嘆「好型呀」。他怕學生不明白，在facebook撰寫3,000字長文，解釋抗爭所為何事。
杜Sir在港島區Band1名校當實習老師，來自中產家庭的學生都把推鐵馬標籤為「唔理性」、「暴力」。杜Sir強調，通識就是懂得從不同角度分析事件，因此他親自落場。今次衝突源於警方稱容許示威者到中聯辦正門放紙坦克卻反口，推鐵馬旨在表達對警權的不滿，「唔係暴力，而係角力。我都係食吓花生（看熱鬧），諗住警方一話噴嘢即閃，點知冇預警就噴。呢班警察好恐怖，係咪想做畀梁振英睇？」
梁振英形容警方克制，杜Sir指克制的其實是示威者。推鐵馬時有女士跌倒，示威者立即讓出通道扶她離開；每逢有人「中椒」，總有人上前攙扶，遞上毛巾和清水幫忙洗眼，「我中咗之後，好多人過嚟安慰我，好有人情味。冇親身參與嘅人唔了解，先會話佢哋係暴民」。
杜Sir寄望學生了解他的遭遇思考如何捍衞人權自由、港人治港等核心價值。他已做好往後示威再中椒的心理準備，「因為我睇到犧牲小我嘅價值。香港嘅前途喺每個人嘅手，我哋有使命，唔好怕企出嚟。如果中學生仲係好抽離，我真係會對香港悲觀」。