【專心留家打機】李彩華100蚊個口罩買到假貨 上海新劇等疫情過後先開鏡
趙雪英胡渭康李彩華Rain)
李彩華(Rain)聯同老公Eric、趙雪英及胡渭康等,今日在大埔大元邨,為當地長者派發口罩。 Rain表示得悉長者們朝早五點幾就排隊,自己感覺心痛想喊,Rain說:「今次幫到佢哋好開心,自己訂咗1萬個口罩,加埋趙雪英及黃祖藍,大概有3萬個,訂嘅口罩唔算貴,反而買自用嘅就會好貴,因為遲訂而家要22蚊1個,有啲仲搞到100蚊1個,而且有啲係假貨,冇諗過口罩賣到咁貴,自己買口罩都花咗1萬蚊。」
Rain老公Eric今日都有到場幫手,Rain指Eric之前在東南亞工作已隔離14日,隨後再返香港,對於有傳政府日內要求所有從外國來港人士(中港台除外) 隔離14天,Rain表示,有聽過消息,認為是為大家安全,因為社區有很多隱形患者,對於暫時不能外遊,Rain說:「雖然冇得飛,但係感覺香港較為安全,有啲歐洲朋友話當地唔帶得口罩,佢哋都驚驚哋,有朋友就住喺意大利,要面對每日困喺屋企。」
因為疫情下很多工作暫停,Rain指原先接到一個新劇拍劇,對方表示三月底開拍,而且要在上海開鏡,Rain表示,應該要等疫情過後先能夠拍攝,現在專心留在家,她更買了一部遊戲機陪老公一齊跳舞減肥,她說:「有啲朋友親戲趁院冇人去睇戲,我就唔敢,所以都係留喺屋企。」
-----------------------------
第三屆最港電影大獎
按此立即投票 -----------------------------
【武漢肺炎】專頁 全民自救 抗疫資訊盡在《蘋果》
Rain表示得悉長者們朝早五點幾就排隊,自己感覺心痛想喊