黎頌然所患的杜興氏肌肉營養不良症(DuchenneMuscularDystrophy,DMD)是肌肉萎縮症的一種,患者因肌肉細胞內缺乏一種酵素,以致肌肉細胞膜不能正常運作,肌肉因而逐步萎縮及壞死。
平均壽命只有20歲
此病至今未有根治方法,患者平均壽命只有約二十歲。對於自己的病情,頌然相當了解,態度亦十分積極。「我知㗎,我哋呢啲病可能唔會好長命,我都睇住好多病友一個一個唔喺度。驚唔驚?少少啦。不過我都唔擔心得咁多,因為成日諗住,我會瞓唔着覺,冇精神返學。」臉帶稚氣談吐卻頭頭是道的頌然對記者說。
智力正常、特殊學校就讀中三的頌然,待人謙謙有禮,是人眼中的好孩子,可惜卻偏偏身患頑疾。頌然出生的時候十分健康,一直沒有甚麼大病,直至五歲那年身體才出異樣。
「我記得嗰時,唔知點解行行吓都會無端端跌低,跌低咗又起唔番身,雙腳好冇力,上樓梯亦要同學扶,初時好多醫生都唔知我乜嘢事,直至最後先驗出我有肌肉萎縮症。」頌然表示,由於當時年紀尚小,根本不知道自己發生甚麼事,只知道媽媽很擔心,經常為他哭。