當年今日

韓戰地手記:軒迪克做咗「師奶殺手」

蘋果日報 2002/06/10 00:00


雖然愈來愈多女性鍾意睇足球比賽,但係南韓少女除咗對佢哋國家隊比賽及個別球星有興趣之外,一般都喜歡搵其他娛樂消遣;反而南韓女性球迷群集中喺已婚婦女,其投入程度更出人意表。

已婚婦女感染足球熱
點解?部份世界盃比賽喺晚間進行,的確可以方便南韓人放工之後睇波,不過當地少女一族都揀到西式餐廳、戲院或去網吧打機上網,而已婚婦女大部份都留喺屋企睇電視,隨着世界盃來臨;加上南韓國家隊喺決賽周前幾場熱身賽不斷有進步,表現出色,深受足球熱潮感染,已經唔係局限在電視劇,而係世界盃足球盛事。

索取簽名Honey相稱
最近南韓國家隊教練軒迪克就更成為當地市民心目中嘅英雄,勢估唔到佢重掀起咗一股簽名熱潮㖭,其擁躉當然唔少得一班婦女團,佢哋紛紛到球隊集訓基地探班。有報道重講婦女球迷攞簽名時以「HONEY」稱呼呢位荷蘭籍教練,足見軒迪克已成為南韓婦女球迷嘅「師奶殺手」之餘,最令人意外嘅就係南韓婦女鍾意足球運動時也可以咁投入。