谷中明晚（8日）第六場三班1000米，大摩馬房「辣臣」原本配利敬國，但騎者冇牌後，臨時改由史卓豐操刀。

原來豐豐今勻唔止係「執二攤」，其實係「執三攤」先真。

「辣臣」3月29日跑田草1000米獲得季軍後，幕後隨即決定渡江出戰今場，最初邀請潘頓壓陣。

無奈潘頓已一早應承騎羅廐「以戰養戰」，曾經策騎「辣臣」上名的田泰安同波健士亦一早分別落實騎「奇妙星」同「翡翠綠」。

大摩於是搵利敬國幫手，點知日前佢突被馬會釘牌，最終「辣臣」來到第三「浸」，落入史卓豐手上。

「辣臣」已經連續三場上名，今場絕對係一匹實力分子，當旺的豐豐分分鐘冷手執過熱煎堆，明晚再次殺入凱旋門。

撰文：林湛穎

--------------------------
【馬上看經典】走出「上海幫造馬案」！鄭棣池牌照不保卻欲辯無從
即睇今期《馬上看經典》
--------------------------
馬匹賽績、騎練數據、名家貼士
【最強贏錢武器 盡在蘋果馬網】
刨馬撳呢度
--------------------------
《果GYM》隨身播 　健身壹App過！
一按即玩