武漢肺炎蔓延全世界，美國科技公司基地矽谷亦不能幸免。矽谷所在的加州聖克拉拉縣（Santa Clara County）最新確診人數已有20人，而縣政府亦剛剛正式對縣內公司作出勸喻，應避免旅行，推遲或取消群眾聚會，當然也包括會匯集世界各地傳媒的大型發佈會。

其實大部份噏得出的科技公司總部都在矽谷，好似Apple、Facebook、Microsoft、Google、Adobe、LinkedIn等等，而早在縣政府作出勸喻前，Google就已經宣佈Google I/O取消實體大會，轉為網上發佈會。當然，更多人關心的，相信是Apple的發佈會，按慣例Apple每年3月都會舉行春季發佈會，今次亦盛傳有新平價版iPhone、AirTags、頭戴式新耳機等等，原本陣容都幾大，但咁俾武肺搞一搞，有機會全世界都只能睇直播。

雖然Apple連本身有冇呢個發佈會都未對外確認，所以亦未有任何有關取消活動的消息，不過今次聖克拉拉縣政府的勸喻方向，其實就是希望盡量減少人與人之間的接觸，以減少疫病傳染機會。照咁睇，除非疫情突然有非常好的轉變情況，否則發佈會都應該凍過水。

記者：韓繼聰
編輯：鄒仲安

-----------------------------
全民自救・和你抗疫
《家居抗疫手冊》四語精華版
-----------------------------
點擊瀏覽 健康蘋台網站 獲享更多健康資訊
-----------------------------
立即去動物蘋台 ，飽覽主子大小事！
-----------------------------
【武漢肺炎】專頁
全民自救 抗疫資訊盡在《蘋果》