韓國女團「Wonder Girls」前成員宣美事隔8個月，今日攜迷你專輯《WARNING》回歸，並於首爾梨花女子大學舉行Showcase，宣美喺現場進行了精彩舞台表演，載歌載舞，更跳到瞓地，好不性感。

今次專輯主打歌《Signal》宣美都有份創作，而佢話因為事隔8個月再回歸，都令佢好苦惱唔知應該帶乜嘢畀大家。同時宣美仲大爆自己嘅家族遺傳就係唔會發胖嘅基因，本身1米66高嘅宣美，體重唔夠95磅，至於佢兩位弟弟亦都係瘦底，雖然身高有1米84，但體重僅得51kg(約112磅)，宣美話：「唔係我令到佢哋瘦，而係佢哋本身係瘦，佢哋都好努力增肥，但都係唔成功，成日為咗增肥食好多嘢，幾個小時就食一餐飯，我哋唔使節食，而為咗保持健康，我亦有食一啲營養補充劑。」

精選韓流，喺晒《娛果》
http://fb.com/appledailyent