【李八方online】糖尿上眼要做手術 邵家臻慘變獨眼龍
獨眼龍糖尿上眼邵家臻
糖尿上眼要做手術,邵家臻暫時變咗獨眼龍。邵家臻Facebook圖片
【新增內容】
早喺2012年前已確診因為遺傳而患有糖尿病嘅社福界立法會議員邵家臻,今朝因為糖尿病上眼,被迫喺下月9日佔中判決前夕,入院做佢人生中第一個手術。阿臻今日喺Facebook透露,為咗預備下月可能要入監倉,早前去咗做身體檢查,點知唔check猶自可,一check就發覺糖尿失控、膽固醇超標,糖尿上眼,要做手術。佢透露今日打完第一針,下個月有第二針、再下個月有第三針,雖然唔知道下個月判決後自己處境係點、唔知打唔打到第二針?但今日都做住手術先。
八方問過阿臻,佢話今日係佢咁大個仔第一次做手術,指醫生要打針入佢眼球白色位置,佢至今仲有少少刺痛,引述醫生話手術後6個小時,痛楚先會紓緩。本來答應今晚出席民主黨黨慶嘅阿臻話,唯有甩底抖抖,但佢話聽日會即刻復工,爭取喺行政長官質詢環節質問林鄭喎!
糖尿上眼是一個統稱,是指糖尿病引致的眼疾。糖尿上眼可分為有糖尿性視網膜病變及糖尿性黃斑水腫。長期高血糖會破壞眼底視網膜的血管,糖尿視網膜病變因血管阻塞引起,令眼底的感光細胞無足夠血液供應,影響視力。糖尿黃斑水腫主要因血管滲漏引起,發生在眼球黃斑點。糖尿上眼初期可以毫無徵兆,到視力受影響時可能已經到後期,而所失去的視力更可能無法逆轉,如發現患上糖尿上眼,甚至已出現新生血管,醫生可在病人的眼內注射藥物,或進行激光治療,嚴重的更可能要做玻璃體切除和視網膜手術。資料顯示,本港有70多萬人患有糖尿病,當中約三分之一患糖尿性視網膜病變。
-------------------------
《蘋果動新聞》訂閱新世代,4月開始免費訂閱,現在接受登記!
http://bit.ly/2Ja3IXw
-------------------------
全港打工仔特約:Lun廚動腦Q
加開1:30pm
3月11至22日
星期一至五1:30pm 10:30pm
http://bit.ly/2IZA8Ef