將軍澳3個半月內發生第3次「槍擊事件」，兩名女街坊昨午途經和明苑對開時，疑遭狂徒當活靶射擊BB彈，令街坊人心惶惶。有區議員助理目擊事件，希望警方加強巡邏，防止氣槍犯徒再度犯案。

現場為將軍澳銀澳路和明苑對開，區議員助理陳志豪當時在附近擺街站，聽到有人大叫和圍觀。上前查看發現兩名女街坊被擊中，「一位街坊頸被射中，有少少紅；另一位街坊好彩只係件衫俾人射到，但中咗好多粒，雖然無受傷，但聽到『啪啪啪』好多聲」。白色BB彈散落一地，陳往上查看來源，見距離最近的和逸閣單位有多戶探頭向下望，「有人懷疑喺停車場射過嚟，但距離更加遠，仲隔咗幾棵樹，想像到射過嚟力度要好大」。

有街坊向警方提供線索，指數月前途經亦曾聽到氣槍聲。氣槍事件在同邨內已是第三次，區議員溫悅昌建議在邨加裝閉路電視，但因涉及私隱問題，鏡頭不能面向住戶單位。陳志豪指現時要靠警方加強巡邏，又勸喻街坊有公德心，不要用氣槍傷人，「喺邨內買氣槍同BB彈唔易，加上力度咁大，感覺上係惡意、唔係簡單惡作劇」。他今早在近坑渠邊的地面又發現BB彈，昨天的BB彈相信已被警方撿走，今早發現的懷疑是新彈，他會通知警方跟進。

警方昨日已到和逸閣掃樓派問卷，惟今日未見現場有警員調查。不少街坊如常沿現場返往返邨內及地鐵站，有街坊表示不知道發生氣槍事件。途經的黃女士表示擔心：「如果真係有BB彈會兜路行。」

你敢爆，我敢獎！ 即Call《蘋果》24小時爆相爆片熱線 ：63836568