韓國男團BTOB嘅徐恩光、李旼赫、李昌燮、任炫植、Peniel、鄭鎰勳、陸星材七位成員，落實下月14號喺亞博館ARENA舉行演唱會，門票上月已公開發售，票價分為VVIP$1,680、$1,380、$1,080及$780四種。

BTOB雖然出道只有五年，唔算好耐，但佢哋前年已經曾來港舉行演唱會，今次事隔一年多再襲港，自然施展渾身解數冧港迷。而成員陸星材因為人氣劇《鬼怪》帶挈，令佢吸納咗唔少劇迷粉絲，估計到時襲港必定引起港迷追星熱。