當年今日
關於我們

【積奇論戰】龍頭騎師接手寧舍唔同 今次笑得出嘞!

蘋果日報 2018/06/12 23:58

盡開顏積奇論戰潘頓

今次快活谷夜賽(13日),如常編跑八場,採用B欄轉C彎跑道角逐,短途內檔前領較着數,中長途則有得追。莫雷拉復出,騎足八場,雖然已決定離開,相信在餘下賽事,會盡力爭取好成績,圖衞冕冠軍。天文台預測天氣不穩有雨,但快活谷馬場去水系統一流,除非臨場落雨才有影響。
第四場四班1200米:「盡開顏」大前仗在同程出擊,後上不及負於「八心之友」,水準唔錯,但再跑兩仗都落敗,四歲北半球馬,進度還未夠,韁口重兼演出唔穩定。今次換人,復課由潘頓接手,韁繩好操控得宜,果然有不同效果,快跳比前收斂淡定,是成熟進步表現。論馬季內只跑七場,硬仗唔多,今次體重回升也是好現象,恨贏加強配搭,潘頓騎文廐馬成功率甚高,值得優先考慮。
「勁飛聖」季內拼搏唔多,只跑四場,近兩仗跑谷草最短途1000米,上仗沿途外疊蝕位,最終所負不遠,水準相當高。復課受操健康好,收身靚朝氣勃勃,勇況續添。今次跑番1200米,正是首本路程,抽排一檔,將是前駒頭號勁敵。
「金碧輝煌」今季好勇銳,同程九戰得三冠兩亞三季,路有專長,難得是勤拼不疲,上仗排大外檔,何澤堯發揮出色,憑後勁殺敗對手,今次又抽排大外檔,因負磅已增加,有一定影響,位望較高。
「八太子」新勝馬,復課唞夠,埋門試大閘仍佳。「陽明滿滿」有能力但稚嫩,但有莫雷拉之助,都會接近。
empty
盡開顏(3號)