早前與Winnie出外工作，有幸坐她的巨無霸Prado，發覺1個女仔開部咁Man的越野車是件十分有趣的事，最難得是她開得掂，而且頭頭是道。坐了半小時車，我終於發覺Winnie開Prado有一個很奇怪的動作，就是經常把左手放在波棍上，而且經常按下波棍上的OD（OverDrive）按鈕。為何她經常按OD掣？她說部車會好收一點。阿Winnie姐，你知唔知OD掣有咩用？你部Prado有4前速，如開啟OD，即代表波箱會用盡4個波檔，而第4個波即是超比波，主要是用作高速巡航使用，作用是慳油，你當日以20-30km/h在紅隧塞車，部車只會行1、2波，根本連3波都未到，成日開關個OD來幹嗎？真係睇到我火滾。