【狗仔出更】曾經同「洗米華」周焯華傳過緋聞嘅「藍莓」劉俐，約滿無綫後喺觀塘開咗間點心店，噚晚7點幾同友人到海洋公園玩哈囉喂，一行四人坐價值約50多萬元嘅BenzE250抵停車場，着白衫襯窄腳褲嘅藍莓，坐喺司機旁邊，負責揸車嘅係一位年約30歲嘅高瘦男，佢全程陪實藍莓似係觀音兵，仲一支水兩份飲。

當時另一對男女友人喺樓下吸煙，藍莓同高瘦男先行搭自動電梯，佢哋企埋一邊等友人時，有傾有講十分開心，藍莓手上雖然有一支茶，但當高瘦男遞上自己支水時，藍莓即刻飲咗一啖作「口水交流」，而入場時，高瘦男更體貼地為藍莓戴上手帶，乘機獻慇懃。