英國《每日郵報》同《太陽報》等報紙今日都係用蛇迷布蘭登（Dan Brandon）喺屋企睡房倒斃、警方會調查佢係咪畀屋企養嘅寵物蟒蛇所殺呢單新聞做頭條，點知去到《每日郵報》網站嘅足球版面，就見到利物浦三個巴西兵一齊去咗玩蛇！

利物浦上星期六喺英超以3:2贏咗李斯特城，喺星期二作客莫斯科斯巴達嘅歐聯分組賽之前，領隊高路普就畀球員放咗個短break，巴西幫嘅羅拔圖法明奴、菲臘比古天奴同埋艾拔圖摩蘭奴就趁住空檔喺星期日去咗玩蛇，法明奴喺佢個人社交網頁post嘅短片度，仲見到佢哋將條大蟒蛇繞住喺頸度，不過只要睇番片段，就可以見到佢哋其實個樣都幾驚㗎。

睇片↓↓↓
http://bit.ly/2hpqg9j