CFDA時裝獎今日喺紐約舉行，喺頒獎禮上拎時裝icon獎嘅美國女歌手Rihanna就玩前後大解放！

著到勁閃透視裝嘅Rihanna，唔止凸點透點，原來本身着咗底褲嘅佢，條底底淨係遮到前面，佢一擰轉身，成條股罅就出晒嚟！出席今次頒獎典禮都有唔少明星，其中包括金像影后瑪莉安歌迪娜（MarionCotillard）、今屆奧斯卡最佳女配角雷碧達尼安高（LupitaNyong'o），同美劇《花邊教主》（GossipGirl）女星碧琪麗芙莉（BlakeLively），碧琪仲一身「難兄難弟」野餐look現身添。