韓劇《Signal》、韓片《盜賊門》嘅48歲女星金惠秀今年出道33年，金惠秀嘅40歲演員胞弟金東熙近日攜女兒出演綜藝節目《爸爸本色》，因姪女樣貌生得十分標緻，姪女樣貌同金惠秀有幾分相似，同時亦係金惠秀最愛嘅姪女，即時令金惠秀同姪女登上熱搜榜。

喺前日播出嘅《爸爸本色》中，金東熙帶女兒參加好友金昌烈嘅生日，演員孫憲秀見到金東熙女兒後即大讚話：「係是哥哥女兒嗎？太漂亮，仲以爲係童星呢。」喺錄影現場觀看節目嘅朱榮勳亦好認同咁讚金東熙嘅女兒好靚女，金昌烈即時爆料話：「佢係金惠秀最喜歡嘅姪女。」網民都大讚金東熙女兒十分漂亮，又留言：「遺傳係騙不了。」

另外，由於金惠秀姪女登上熱搜，亦令網民翻抄金惠秀出道時照片，當中金惠秀10多歲時樣子十分甜美，簡直係當年唔少少男嘅夢中情人。

精選韓流，喺晒《娛果》
http://fb.com/appledailyent