圈中兩位型男吳彥祖及張孝全，今晚喺灣仔星街拍攝新戲《天火》，據知今日係煞科戲，而吳彥祖及張孝全文戲較多，兩人有對話交流。由於今日天氣凍咗好多，吳彥祖唔使埋位時，就身穿西裝褸禦寒，埋位時助手幫佢拎開件褸，只見吳彥祖身型好弗，手瓜起（月展），不過佢除咗同助手密斟外，同其他演員冇乜交流；至於張孝全唔使埋位時，就瑟縮一角，與女助手吹水。