探老友記送暖
鄺美雲帶3愛犬拜年

蘋果日報 2016/02/10 00:00

鄺美雲（Cally）於昨日大年初二，帶同三頭愛犬Cash、Euro及Bank，聯同C AllStar的釗鋒，將大批保暖外套送到竹園一間老人中心。他們除了與大班老友記唱歌玩遊戲外，Cash「三爺孫」亦表演跳欄助興，Cally又透露：「稍後會錄一首佛歌同打算出一張發燒碟，上年已經想錄，但一直冇時間，最近又不停食年糕蘿蔔糕好傷聲，又唔錄得住，希望今年可以錄得成。」
empty
Cally抱着愛犬向長者拜年。
empty
Cally昨日與C AllStar的釗鋒到老人中心探訪，跟長者唱歌玩遊戲。
Cash捐利是行善
特別喜歡農曆年喜慶氣氛的Cally，今年買了大桃花、桔樹及年花等佈置家居，與3隻愛犬一齊過年，她說：「過年盡量唔會出門，會多啲見屋企人朋友拜年同去佛堂、帶狗狗去老人院做義工，佢哋3隻都會𢭃利是，𢭃到有5位數就捐去幫動物嘅慈善機構。」
提到猴年展望，肖虎的Cally自言犯太歲，但不會特別防範：「最緊要平安健康，呢兩年累積好攰，要多啲養生，至於珠寶生意，知道零售有壓力，要盡力做好本業，仲有好多佛教義務工作。」笑問她在家中放了不少桃花佈置，問是否對感情有期盼？Cally則笑說：「我覺得𠵱家都幾好，忙碌冇諗太多，但唔會抗拒，如果有人追我，又覺得好開心，其實桃花係人緣，有善緣就好運，做生意都需要人緣。
採訪、攝影：梁錦雯、曹家誠、陳志嵐
empty
一向愛狗如命的Cally，笑說與愛犬過年已夠熱鬧。
empty
利是封上印有Cash、Euro及Bank的肖像，非常特別。