當年今日
關於我們

放棄四萬點目標 胡孟青:恒指已見頂 唔會為面子死撐

蘋果日報 2018/02/07 20:23

胡孟青

【新增影片】
港股大暴瀉後今日反彈又乏力,2017年初已唱好港股升抵四萬點、今年初仍維持目標的獨立股評人胡孟青,今日在報章專欄直指「恒指已見頂」。胡孟青回應本報查詢時承認已轉軚,四萬點目標已不再,並強調是因為看到近日債市及資金流轉向,「睇到形勢有問題,我唔會為咗面子死硬咁話四萬。」
胡孟青表示,早前接受訪問時已表示四萬點「八折都收貨」,但目前估已見頂,並強調自己並非要語不驚人勢不休,「唔係轉唔轉view,而係而家比人做梗世界,睇下啲盤知道唔妥……我地都係睇住個market因時制宜,目標係死嘅,人係生嘅」。
她解釋指,2月初起已見形勢有變,並開始提醒市場,外資顯然正在沽貨,但「把口叫你買」,債股資金在逆轉,加上北水撤退,以及近日散戶明顯變得心雄,因大部份仍未持貨並正等待時機入市,三萬點樓上一層層被套牢,給予機會「聰明人滾貪心鬼嘅錢」。
她建議投資者農曆年前都不宜有撈貨動作,靜待大市失守三萬大關才買入第一注博反彈,並重申大市今年未必可再見高位,「唔見返好奇咩?三萬點好差咩,落返二萬三再上三萬都得架,都有七千點呀!」
蘋果財經,關心你飯碗
http://fb.com/appledailyatm