當年今日
關於我們

幕前父女幕後真情合唱
八歲瑤瑤鸁晒 王喜慚愧

蘋果日報 2002/08/09 00:00


王喜在《烈火雄心II》一劇的結局篇內將主唱插曲《紀德瑤瑤》,日前他與飾演其女兒瑤瑤的八歲小童星成珈瑩一同為該曲錄音,但瑤瑤竟全無NG,反而王喜就因忍不住笑而老貓燒鬚,要向「瑤瑤」道歉。
王喜跟在電視劇《烈火雄心II》中,飾演其女兒瑤瑤的成珈瑩日前在灣仔唐樓錄音室錄新歌《紀德瑤瑤》,今次是王喜點名找成珈瑩合唱,兩人除了合唱之外,亦有兩段獨白,其間珈瑩表現得好專業,在個多小時的錄音時間內,完全沒有NG,反而經驗老到的王喜,因為忍不住笑和忘記關電話,在小童星前老貓燒鬚,前後NG了四、五次之多,最後王喜更向珈瑩saysorry。

望多讀書
對於今次失威,王喜說:「呢個就係我哋呢位小童星有價值之處,佢非常之有水準,直情令我有啲汗顏。不過我唔想佢一直由童星做到大,佢𠵱家咁細個,應該讀多啲書,我唔贊成佢繼續喺娛樂圈發展。」

融洽相處
王喜和珈瑩合作拍《烈火雄心II》,大家相處了五個月,十分融洽,他說:「喺我心目中,瑤瑤先至係套劇嘅第一女主角,我提議搵番瑤瑤一齊合唱,因為隻歌係為個結局度身訂做,用咗我同瑤瑤個名嚟做歌名,搵番瑤瑤唱,可以強化個結局,令到觀眾更加記得劇入面嘅角色。」
採訪、攝影:朱芷瑩