除咗娛樂同飲食業，麗新集團主席林建岳又有新搞作，佢今日喺西班牙班拿貝球場同皇家馬德里足球會舉行聯合記招，宣佈麗豐控股會同足球會合作，喺籌劃中嘅橫琴創新方二期項目內營建室內互動足球體驗中，預計2021年落成，希望有助培育橫琴嘅體育娛樂文化。

據知中心面積約達12,000平方米，會將體育、娛樂同高科技元素結合，以虛擬環境（VR）同擴增實境（AR）帶動唔同嘅模擬足球訓練體驗，等賓客仿如置身頂尖足球世界，試下做職業足球運動員嘅滋味。中心內仲設有皇家馬德里足球會歷史博物館，以及不同嘅體育娛樂設施，為大家帶來不一樣嘅足球體驗。