愛國愛到去非洲，展示中共「領導者」地位嘅吳京自導自演新片《戰狼2》，喺大陸票房一片紅，美國票房又如何？

上周末喺北美上映第二個星期，雖然上映院數少咗四成，只得32間戲院上映，但票房反而有升，周末票房錄得50.6萬美元（約395.4萬港元），比上映首周末票房多出131.5%，累積票房為111萬美元（約866萬港元），排票房榜第18位。

至於上周北美票房冠軍《鄧寇克大行動》（Dunkirk），雖然今個星期多咗戲院播映，但票房不升反跌，錄得1,713萬美元（1.33億港元）票房，比上周跌35%，滑落至第2位，累積總票房為1.33億美元（約10.38億港元），排排票房榜第2位。

有人自high，亦有人唔受。

吳京喺戲中「打不死」，有大陸觀眾就話劇情太中二（即自high)、造作、煽情，有人話：「有人說這是新時代的樣板戲。把國旗當袖套，把國外非政府紅軍描述成不管老弱病殘還是平民見人就殺的壞蛋，然後一個人唱獨角戲保護非洲和中國平民，甚至都不需要中國軍隊保護。最後就海軍發了幾個炮彈打了下，你比祖國軍隊強嗎？ 只在非洲國家呈呈威風的狹隘愛國主義導演情懷深入人心。」

咁吳京當然嬲啦，佢話：「看不慣別看，去看美國人的片子去，去看美國人打不倒去！中國人必須被打倒？我鄙視！」、「你們是不是帶有一種先天的觀影的必然性，戴著有色眼鏡看的。」又係嗰啲啦，「美國人可以中了那麼多槍都快打死了，還在繼續戰鬥半個小時；人家美國人就可以，中國人就不行？賤不賤吶！真的不賤了這個！」

不意外…