新民黨今晚舉行會員大會，選出新一屆37位中央委員會委員，主席一注獨贏由葉劉淑儀擔任，副主席呢，除咗原任嘅潘國山冧莊，容海恩突然升呢當選，政途真係如坐直昇機，即係...會飛嗰啲呢。

葉劉喺會員大會上話呀，好榮幸再次獲選主席，亦指邀得鍾逸傑爵士同史泰祖醫生，分別出任新民黨嘅榮譽顧問同資深顧問，並宣佈猶太裔嘅Mr. Robert Dorfman會加入成為黨員。

Dorfman家族世代經商，葉劉話佢嘅加盟會為該黨帶入新力量，唔知包唔包括喺資助黨嘅經費上，注入好大力量？