蕭定一將「出租女友」搬上大銀幕 公開招募被裁空姐拍三級片
蘋果日報 2020/12/17 23:41
蕭定一空姐
受武漢肺炎影響，航空業因旅遊限制遭受重挫，今年10月底，國泰航空裁減5,300名香港員工的同時，旗下的港龍更即日起停止營運。蕭定一旗下「hmvod」今日宣佈明年2月將開拍三級片《#PTGF出租女友》，未知是否眼見一眾空姐被裁，電影公司在作公開招募新演員時，就講到明會以國泰、港龍及香港航空的前從業員作優先考慮，更表明有「合共」50萬港元片酬。
由新導演鄭峰嵐執導、改篇真人真事的電影《#PTGF出租女友》，內容講述一名有錢仔因感情失意而迷上搵出租女友，但後來因失戀，竟然將幾千張出租女友照片放上網，繼而令3,000多名做過出租女友的女仔曝光，當年港台節目《鏗鏘集》亦有就此題材特別製作了一個相關特輯。據知電影方面原本有意找去年奪得AV界奧斯卡「FANZA成人大賞」影后、《全裸監督》女星相澤南，以及有「日本國民女友」之稱、具F cup上圍的桃乃木香奈,這兩位日本AV女星傾片約，不過因疫症爆發而擱置計劃，現時電影打算重啟，亦會再洽商她們來港參與演出。
對於今次該片講到明招募空姐，監製周顯今日回覆《蘋果》時就表示：「我哋有最差打算，如果萬一上唔到戲院，會上hmvod平台，呢個係優勢。我哋係招募所有有興趣由航空服務員轉做演員嘅人。呢部係社會現實題材，《o靚妹仔》、《老泥妹》係咪鹹片呢？呢部戲已經籌備咗幾年，咁啱而家有投資者，而家成個娛樂圈咁沉悶，應該係一件好玩嘅事。」
相澤南去年奪下AV界奧斯卡「FANZA成人大賞」影后。
桃乃木香奈有「日本國民女友」之稱。
-----------------------------
《蘋果》英文版免費試睇：了解更多
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！