【新增回應】

「處女黨」王君馨早前出嫁(新聞連結： http://bit.ly/2tOw0vo )，O依家香香、嘉欣及亞男等個個升呢做人妻，得34歲苟芸慧仲未嫁，不過苟芸慧近排同男友陸漢洋拍拖，二人相戀半年，陸漢洋即送家傳之寶嘅訂情戒指，又安排女友苟芸慧住貝沙灣豪宅，等大家多啲時間見面。

今日有周刊指，苟芸慧出年就做人妻，現時努力減肥，等做靚靚新娘，報道又指苟芸慧將會去關島同塞班島影寫真，影比堅尼相同婚照，又要同海豚影相，上周四更被影到去美容院做機減肥，當日右手食指亦戴上戒指，早前苟芸慧又放風稱自己去幾個國家擺酒，希望自己有個甜蜜嘅婚禮。

今日《蘋果》向苟姑娘求證，佢透過whatsapp話：「裏面寫嘅嘢連我自己都唔知，多謝大家咁關心我，如果有好消息一定會同大家分享的，Thank you la！」