韓國年度盛事《MAMA音樂頒獎禮》今年舉行為期一周嘅盛典，噚晚喺香港亞博館圓滿結束。

頒獎禮噚日舉行前，場外有粉絲疑不滿唔准帶相機而推欄衝入場，令到場面十分混亂。而頒獎禮結束後，亦有粉絲質疑賽果不公，有造馬之嫌。當中不滿賽果嘅粉絲主要集中喺針對EXO同BTS(防彈少年團)，有網民發現頒發Best Asian Style獎時，明明螢幕顯示第一名係EXO，但結果獎項卻頒畀BTS。

同時有EXO粉絲指EXO入圍嘅獎項，投票方面基本上都領先，但最終都得唔到獎項，覺得有造馬之嫌，又質疑EXO表演時間只得5分鐘，就連鏡頭都甚少拉近鏡頭，多屬遠鏡，並指現場關閉咗EXO嘅應援燈。不過有網民就上載一張照片，指摘EXO粉絲喺BTS上台時舉中指，當中可見照片中嘅粉絲拎住EXO嘅應援燈，BTS粉絲指佢哋唔會咁樣對EXO。不過有粉絲就指當中舉中指嘅照片並非《MAMA》頒獎禮當日所發生，而是喺今年10月舉行嘅Korea Music Festival所拍得，當時是因為主辨單位發生事故令到粉絲延遲入場兼十分混亂，所以才令粉絲作出此行動，事件並非針對BTS。

更多韓流，喺晒《娛果》
http://fb.com/appledailyent