好耐冇見嘅蕭芳芳，今日去紅館搵綵排緊「紅館奇幻扮嘢大典」嘅老友盧海鵬同詹瑞文打氣，鵬哥就搞笑問芳芳姐係咪行錯路。

芳芳姐今次嚟係多謝詹Sir，因為佢幫護苗基金籌備一個高中性教育課程，鵬哥對住詹Sir好抵死咁話：「哦！你幫佢搞嘢！」即場推薦鵬哥去做護苗，芳芳姐打蛇隨棍上，鵬哥一口應承，仲搞笑話：「教唔好援交，可以亂交。」