【13:30】地政總署發言人表示，涉事地段屬私人土地，屬於私人資產。有關私人土地的業權繼承、使用權、及逆權侵佔等問題及土地糾紛，需按有關的法例處理，有關業權人或受影響人士可考慮徵詢獨立專業意見，以保障本身權益。就收地方面，政府如需要進行工務工程，會引用相關法例賦予的權力，收回在工程範圍內受影響的私人土地，以便進行工程，不會因為私人土地沒有後人繼承而收回該土地。

樓巿近日繼續破頂，令上車族叫苦連天，惟有人卻在租屋網以260萬元超筍價，出售一幅2,000呎屯門靚地，相當吸引。不過《蘋果》調查發現，此地在清朝光緒年間由一名原居民地主擁有，但他已去世逾一個世紀，離奇的是，有自稱其後人的「屯門陀地」近日設局，在網上先後放售該祖先合共5幅土地，記者以買家身份放蛇直擊其中一塊地，揭發其吹噓出售的「土地使用權」根本是騙局。有律師及立法會議員警告，「戇居居買地」隨時血本無歸。

記者：黃學潤 郭美華 李晟謙 張軍

「地一定係靚地，點解賣呢？全部都係為錢！」一名身形肥胖、自稱姓鄧（洋名Albert）的紫田村原居民親自開車接送以買家身份睇地的記者，在西鐵兆康站出發，僅5分鐘車程便抵達該地。

該地位於紫田村內，面積約2,000呎，毗鄰新落成的欣田邨，部分範圍用鐵絲網圍起。記者走進空地，僅擺放了3個大貨櫃，Albert指現租予他人擺貨，其中一個貨櫃改裝成飯堂，內有桌椅、雜物等，「呢幅地我哋已用咗超過100年，以前養雞嘅，幾年前起欣田邨時，我哋3兄弟就喺呢度做地盤工飯堂，一日賣過百個飯盒。」

Albert儼如「主人翁」不斷帶記者在場內參觀，又聲稱在欄河搭建小鐵梯，買家以後出入更方便，不用兜路，只要爬下小梯，即可抵達隔籬的欣田邨。「呢度係V Zone地（鄉村式發展），你有丁權就可以起丁屋。」他還分析買地好處：「你是私人地，政府（將來收地）要賠償（畀你）。」

對於何以賤價出售「筍地」？Albert表現得很無奈：「全部都係為錢，家家有本難念的經。」他更主動解釋土地的由來，「呢度係我曾祖父按咗畀佢同村嘅叔伯兄弟，叫鄧雲開。」 （但根據該村族譜發現這位Albert是鄧雲開同輩的第7代後人。）他表示，祖先死後遺下的土地由家族成員沿用至今，不過一直未有轉名，「我阿爸同阿哥用咗咁多年，但好蠢，太老實，唔識申請逆權侵佔！」

為了讓買家安心，他又強調：「我哋會喺律師樓見證下，簽字頂讓（使用權）畀你，你若干年（12年）後咪申請逆權侵佔囉！」至於土地的業權人並非新買家名是否無保障？他即安撫道：「你畀咗錢，白紙黑字，唔會轉頭被反咬一啖嘅！」至於會否被人收陀地？他更拍心口稱：「梗係冇啦，陀地就係我，如果有人收陀地，你第一時間打畀我，我就住附近……佢見我行出嚟，都調頭走啦！」

其間他見記者猶豫不決，即擺出一副高姿態：「驚死就唔好買！我唔係個個人都賣㗎！……我有啲熟人想買，但唔夠錢，我唔想畀佢分期付款。」又指自己30幾年前已退休，「而家只係打吓蟋蟀，跑吓馬仔，但賭都好細，一日都係賭幾千蚊啫！」

不過記者發現，除了該幅2,000呎土地外，Albert一個月前已在租屋網出售祖先鄧雲開另外4幅土地，面積合共1.1萬呎，開價1,400萬元。對此Albert直言，該萬呎土地已成功出售，現作貨倉用途。因此估計，他再照辦煮碗放售該幅2,000呎地套現圖利。

事後記者向紫田村原居民村代表鄧德森了解，他直言涉事的土地屬於一名「祖先」鄧雲開：「（塊地）不嬲由我哋鄧方偉祖（即祖堂司理）接管處理。」據知，擅自賣「先人地」的Albert為鄧雲開同輩第7代後人，村長直言：「塊地都唔係你（Albert）名，點可以買賣呢？我唔清楚法律上有冇『使用權』呢樣嘢，但我哋就冇囉！」他更揚言：「呢塊地我哋自己人用就冇所謂，外面人用就有啲爭議喇！」

【六四30】守住歷史 拒絕遺忘
https://hk.adai.ly/zdzKtt2RiW

你敢爆，我敢獎！ 立即WhatsApp《蘋果》24小時爆相爆片熱線 或致電：63836568