香港時裝協會成員以中上環老店，如：上海印書館、春回堂藥行等為靈感，設計限量Tee為本土老字號注入時尚氣息。

林建岳二女林心兒受訪時表示十分支持本土設計：「當然支持啦！我本身係香港人，咁我覺得香港有好多文化，好多好嘅嘢都值得保留。」而東亞銀行富家千金李家彤（Antonia）就大讚T-shirt印花好靚又有創意，被問點解揀這件T-shirt，佢就笑住回答：「其實我好鍾意睇書㗎，咁我見到印住上海書店，啲顏色都好靚，比較鮮艶。」

今年身為東華三院主席的王賢誌就對蘭芳園T-shirt情有獨鍾：「一見到蘭芳園就「叮」一下，因為茶餐廳老闆之前喺東華學校畢業，呢幾年都有緊密合作，包括曾經試過搞個義賣日，嗰日嘅生意收入唔扣除開支，全數捐贈畀我哋。」更大讚絲襪奶茶Tee加女人腳好特別又Fashion，同場還有名媛薛芷倫、藝人余香凝和黎學勤等。

精選娛聞，喺晒《娛果》
http://fb.com/appledailyent