意甲祖雲達斯中場派路話，曼聯唔使旨意簽番佢哋之前棄用嘅中場保羅普巴。呢名大師級中場認為，前曼聯領隊費格遜當年唔肯畀普巴上陣係走漏眼，依家無得好怨。派路話：「唔理咩原因都好，紅魔鬼當年唔畀普巴踢係一個錯誤，依家只能夠接受現實，我完全唔認為佢會重返奧脫福。佢啱啱加盟果陣我哋已經知道佢有料到，只係兩年佢就成為世界上其中一位最出色嘅球員。」