麥明詩晚上在fb自揭曾於大陸遭性侵，而且不止一次。她事後接受傳媒電話訪問，憶述事發於17、18曾參加一個內地交流團：「因為唔係自己同學參予，其中一個人趁冇乜人時候做咗啲令我好唔開心嘅事，畀人抽咗水咁，好彩傷害性不太強。」麥明詩稱不願透露詳情。

《蘋果》致電麥明詩舊愛林作，他只謂：「我唔答得關於佢啲嘢，我只可以講，朋友之間會互相關心，其他嘢我唔講。」至於會否為此聯絡女方？林作表示：「我哋不嬲係朋友，溝通係有嘅，我只可以咁講，其他嘢唔答喇。」

提到昨晚林作在fb出post，質疑「欄后」呂麗瑤聲稱十多年前曾遭性侵是有舖排，又調侃謂：「佢篇嘢成篇係雕琢而成嘅商業文案，你幾時有泡眼淚蘊藏住，幾時要你滴都計到呀。」（新聞連結：　 http://bit.ly/2nqer5g ）

方才林作受訪時，只謂：「基本上我冇乜補充啦，我講嘅嘢係我自己睇法，唔係覺得男仔有罪定係冇罪，我覺得事實係乜嘢，應該交番俾法庭，尤其去到咁嚴重嘅指控，一定有法律程序去判斷係咪有罪，而唔係通過輿論壓力。」

「我哋社會係法治，唔係人治吖嘛！依家好似係人治，只要贏得網上同情掌聲，就好似已經水落石出喇，呢個我唔係好喜歡。第二係，我睇嗰位運動員一啲表達方式，同埋時間上隔咗三個禮拜，我感覺到好似係有啲舖排囉。唔單止香港，喺美國依家呢個#metoo人人都用，去到一個位我分唔到乜嘢真係有勇氣走出嚟，乜嘢係食住個勢上其他舖排，我提出呢個質疑啫。」