汪明荃(阿姐)今日邀請羅家英、關菊英、王梓軒、江美儀、滕麗名同麥長青等去到天水圍，為400名長者舉行《春暖花開賀新禧》敬老活動，阿姐穿以一套春天氣息裝束，家英哥亦暗地裏穿上綠色衫襯託。

每隔幾年，阿姐便會到天水圍舉行新春敬老活動，佢話:「好感激好多贊助送禮物畀老人家，禮物包真係乜都有，血壓計都有。」親身統籌活動外，阿姐更上台獻唱粤曲，而家英哥就同契女李沛妍合唱，家芵哥大讚契女舞台上應對快，完全接到佢台上爆肚。家英哥又話李司棋同林憶蓮唱粤曲都好聽，提議阿姐同佢哋合唱作慈善演出，到時佢帶頭捐錢。

對於財政預算案公佈撥款七千萬畀粤劇發展基金，阿姐未有時間留意，但認為這是粤劇界不時爭取訴求，預計資金有助粤劇培訓、傳承及發展開支，問到這筆錢能足夠嗎？佢話:「冇話幾多係夠，多啲資金咪可以做多啲。」阿姐期望政府能關注長幼、醫療及一校一社工問題。另菊姐剛剛去完美國探親返港，當知道阿姐舉辦此活動，即再次支持，稍後將要忙四月舞台劇綵排。

精選娛聞，喺晒《娛果》
http://fb.com/appledailyent