【爆相爆片】
現年28歲「咪神」高海寧（高Ling）一向是孝順女，希望讓父母和弟弟豐衣足食；入行7年一直不介意露肉行性感，最近終於儲夠首期做業主，但媽媽仍要在旺角女人街擺街檔賣首飾賺錢。昨日連環有讀者透過本報「爆相爆片」爆料，在長約一分鐘的短片，見到高媽媽與疑似附近攤檔店員鬧交。片中開始便見到全身黑色打扮的高媽媽發現被偷拍，即指罵對方。兩人爭執期間，手機突然跌落地上，但仍聽到高媽媽高呼：「叫ICAC查吓先。」對方口窒回應：「我關你乜嘢事啫？」

曾為爛帆布想報警

聲稱是拍片人朋友的A小姐（化名）昨日在電話訪問中透露，高媽媽不是第一次跟對方嘈交，她指高媽媽經常趕走隔籬孖檔的客人。另一位據稱是隔籬檔老闆的Calvin則表示雙方經常為孖檔之間的走廊空間位置嗌交，並謂：「企喺佢嗰邊就唔畀望我啲嘢，企喺我嗰邊就唔畀望佢啲嘢，我咪話不如擺塊玻璃喺中間啦，唔想佔便宜。」
Calvin續表示曾為爛帆布一事差點報警，他說﹕「我哋都爛咗，佢又話可能我哋想用苦肉計，我話報警佢又唔肯。」記者昨日致電高Ling了解，她表示不知情並不相信媽咪會幫人趕客，她說：「你點知個客想買乜嘢啫？都唔關佢事，等我了解咗件事先啦。我真係唔知，因為呢排忙開工。」
採訪：嵐山