24000樓上,港股未算最抵,當然亦非昂貴。信香港人民幣化,港元會由人民幣取代,其實港股最少較現價折讓一成半。況且,全人類目標已經將對抗通脹為首要任務,資金氾濫加上通脹預期,已經為股市製造再升理由。未入場買貨者,不斷想問「邊隻好?邊隻抵?」按估值,內銀的確合理,按前景,地產與收租股又有理據再升,信大行報告,滙控更屬超值兼抵到爛。
大牛市之下,大行大合唱,一間大行每日推3、5、7隻,10間加埋就總共幾十隻選擇,投資者更覺舉棋不定,最無奈係toomanystocks遇上toolittlemoney。無論名家推介、大行預測,均加入一定程度個人主觀願望元素,等於一碟小菜加入味精一樣。要買一隻不含添加成份的股份,又想收一網打盡的功能,盈富基金(2800)實屬首選。一來,盈富從無大行報告推介,二來懶理做功課的投資者亦毋須左問右問,就一次過買入45隻藍籌。信港股升,買盈富吧!
胡孟青
獨立股評人