今日冷門博韋斯咸喺英超作客打敗軍心大亂嘅紐卡素。其實兩隊嘅財政都唔多好,但韋斯咸似已捱過難關,連球衣胸口贊助都有番;就算有艾法寧頓、保耶在過去數天先後離隊,但我看對「打仔」之首蘇拿領軍嘅韋斯咸士氣影響不大。
我最鍾意佢哋嘅雙防中柏加拍麥克盧保或梅連斯,夠晒硬淨,前線調動球員多,有力締4連勝兼破近7次作客紐記不勝紀錄。
另一場,博英甲榜首李斯特城大炒下游奧連特,自信贏面9成也未必要大注,和/主加3:0波膽作變倍器更妙;另外英冠直播尾場般尼也可博贏史雲斯兩球,開3.75倍嘅「主勝」。
今日同石兄份餐單總投注僅220元,只係兩個人睇完場戲,再去食快餐店晚餐嘅價錢,可以一試。
文:蘋果波神