通常去台灣之前，朋友都會建議唔同嘅滷肉飯店。人生路不熟，去一兩次都未必試得晒！今次大家有福了，8大台灣人氣滷肉飯店會一次過嚟晒香港！全港首屆台灣滷肉飯節會喺3月31至4月2日期間於荷里活廣場舉行，大家計劃定復活節去啦！

台灣滷肉飯節係由台灣觀光協會同鑽石山荷里活廣場合辦，來自台北、台中、台南等人氣滷肉飯同肉燥飯共冶一爐，由百年古早味以至創新料理配搭嘅秘方都有齊。8間店嘅店家都會即場鮮製自家招牌滷肉飯，將最好嘅俾大家品嘗。

來自台北有阿義師頂級滷肉飯、圓環龍凰號同面鮮到；台中代表有涼師父滷肉飯、寶麗金餐飲集團；而台南則有度小月、黑橋牌同安平貴記美食文化館。睇到店名之後，係咪已經流晒口水呢？大家只需要喺荷里活廣場即場捐款港幣30元予港澳台灣慈善基金會有限公司，即可換領其中一份滷肉飯！

另外，同場仲有台灣旅遊資訊區同精彩舞台區，會有唔同會場限定優惠、表演同分享俾大家！

台灣滷肉飯節@荷里活廣場
日期：3月31日至4月2日
時間：12nn-7pm（旅遊展）
1pm開始至換完即止（美食換領）
地點：鑽石山荷里活廣場一樓明星廣場