當年今日
關於我們

【轉會講場】續約槍手遭冷待 張伯倫大把人吼

蘋果日報 2017/06/18 07:52

曼城車路士阿仙奴利物浦阿歷斯山齊士阿歷士張伯倫

阿仙奴留得住Alexis,留唔住Alex?噚日報道過,網上流傳一張槍手來屆新球衣嘅宣傳海報,智利前鋒阿歷斯山齊士身為主角之一,被視為留隊吉兆,點知英國傳媒翌日就報道,季尾改踢右翼衛踢到曉飛嘅英格蘭國腳阿歷士張伯倫,不滿球會遲遲未就餘下一年嘅合約事宜提供報價,離隊機會大增。
除咗續約拉鋸,23歲嘅張伯倫希望獲委派中場中路位置,但阿仙奴有唔少隊友同佢爭位,包括艾朗藍斯、格列沙加、高基連甚至外借收回嘅韋舒亞等,連同過去一季嘅右翼衛試驗大成功,要得償所願並唔容易,據報利物浦、車路士同曼城英超勁旅都對佢虎視眈眈。